kaifin ƙwaƙwalwa, kai Sweetie akwai dabara, wai ta nuna mashi zasu ci ne dan ya kara yarda ya saki jiki dasu, wai ƴan 10 years ne suke ƙoƙarin yiwa mai 25 years wayo fisabilillahi 🤌😂 to mu dai namu ido, a buga game ɗin mu gani!!.)
Haka kuwa aka yi, suka juye abincin nasa suka ɓoye da sunan sun cinye, sannan Pretty ta nufi waje dan ta kira shi a kan ya zo sun gama cin abincin.
Mu ɗan koma baya kaɗan, a lokacin da Kamran ya fito daga cikin wannan ramin, ya nufi samar wata bishiya kwantatciya ya zauna, irin waɗan nan itatuwanne da suke fitowa a kwance, zaku gansu kamar waɗan da aka kwantar, amma haka Allah yaka halittarsu, a kwancen suke. So ya nufi saman wannan itaciya ya zauna yana ta tunanin Pretty, har cikin zuciyarsa yake son yarinyar nan, tana da shiga rai, sai dai idanunta suna tsorata shi, dan bai taɓa ganin irinsu ba! Yau ga jarumi Kamran yana tsoron wani abu, bai ji tsoron giwa ba! Bai ji tsoron zaki ba!! Bai ji tsoron Damusa da macizai ba, bai ma san menene tsoron ba sai ga shi yau ya sani kuma yana tsoron kallon cikin sexy eyes ɗin Pretty, tab lallai akwai cakwakiya nan gaba.
A hankali ya fara jiyo motsi daga ɗan nesa da in da yake zaune, Allah yasa bai yi zurfi a tunanin Pretty da yake yi ba kunnnuwarsa suka iya tsinkayo mashi sautin motsin.
Jin hakan yasa ya yi maza ya haura saman itacen dake kusa da wannan wanda yake a tsaye, ya ɓuya a cikin ganyayyaki ta yadda shi zai iya kallon su wanenen ko kuma menene mai nufo in da yake, amma su ba zasu iya kallon shi ba, ya shige cikin ganyayyaki.
Shiru ya lafe a jikin itacen yana jiran yaga su wanenen?. Ya jima a haka har ya fara tunanin sauƙowa ya je ya duba menene a wajen ƙoramar, dan har lokacin bai dai'na jiyo wannan motsi ba, ga shi a in da yake daga saman itacen baya iya hango komai, saboda dogayen ciyayi masu sunkuru da kuma bishiyoyi sun rufe wajen. Hakan yasa baya iya hango me yake motsi a wajen ƙoramar, sai ya yi tunanin bari ya sauƙa ya lallaɓa ya je ya leƙa.
Sautin karar haniniyar dawakai da ya dira mashi a cikin kunnuwarsa ne yasa sai ya fasa saukar, ya zuba idanu yana jiran yaga ta ina zasu ɓullo mashi.
Can kamar minti uku da jin haniniyar dawakan sai ya fara jin sautin takun tafiyarsu suna tinkaro ta wajen da yake. Kara ƙanƙame itacen ya yi tare da kara lafewa a jikinta ya ɓuya da kyau ta yadda ba zasu iya ganinsa ba, sai dai shi ya gansu!.
Bayan wani ɗan lokaci suka bayyana a tsakiyar wajen. Wasu jiga jigan zataran warriors ne har guda takwas, sun horu sosai, dan sun fi waɗan da Kamran ɗin ma ya yi faɗa da su ɗazun, waɗan nan manya manya ne gasu da tsawo da kiɓa, duk da suke zaune a saman ƙosassu kuma lafiyayyun dawakansu hakan ba zai hana ka gane cewa e lallai tabbas cikakkun jarumai ne na kin ƙarawa ba, suna dai sanye da kayan yaki irin dai na jikin waɗan can warriors ɗin da Kamran ɗin ya kashe ɗazun, har wa yau fuskokinsu hular kayan yakin nasu ya rufe shi ba'a iya ganinsu, da alama daga masarauta ɗaya suka fito da mayakan da Rocky yake watandarsa da su.
Zaro idanu sosai Kamran ɗin ya yi yana kallonsu, abin ya yi mugun bashi mamaki na ganin wasu mutane irin waɗan da ya kashe ɗazun, tambayar kansa yake yi kenan suna dayawa a cikin dajin? Kenan dama suma a cikin dajin suke? Ko yaya abin yake?. Bawan Allah bai taɓa ganin mutane irinsu ba, bai san cewa shigowa suke yi dan neman wani abin da su kaɗai suka san shi ba kuma suka san dalilin da yasa suke nemansa.
Sai dai kuma babban abin ban mamaki da waɗan nan warriors ɗin shi ne, idan suna tafiya suka ci karo da mutun sai su far mashi, babu abin da ya yi masu kawai zasu hallakasa saboda tsabar zalunci da ya yi masu yawa, kun dai ga yadda suka farmaki Kamran ɗazun ko? Ba dan Allah yasa yana da karfi shi ma suka gwabza ba ai da kashe shi za su yi, babu dai abin da ya yi masu bawan Allah, to haka suke, ko maharbi suka ci karo da shi a wannan daji sai sun far mashi sun kashe shi babu gaira babu dalili, sai kace waɗan da aka turo su kashe duk wanda suka gani a hanya, ni kam ma wai daga ina suke zuwa ne? Akwai cakwakiya sosai my people.
Suna zuwa dai'dai in da wannan itaciya da Kamran ɗin yake kai suka ja birki suka tsaya, kamar sun san da akwai mutun a wajen, tun da suka shigo arear wajen kuma suke hira, dan a hankali hankali suke kaɗa dawakan nasu ba da gudu ba, hakan ya basu damar suke zuba hira a tsakaninsu, sai dai kash suna magana ne da wata yare na daban wadda shi Kamran sam baya jin me suke faɗa, ya so ya ji zancen da suke yi ko zai iya fahimtar su waye su? Amma ina bai taɓa jin irin wannan yare nasu ba sai yau.
Kamar daga sama Kamran ɗin ya hango kofar ramin da su pretty suke ciki yana motsi, alamar za'a buɗe wajen a fito kenan, a dai'dai lokacin ne Pretty ta nufo wajen zata fito ta zo ta kira shi a kan ya zo sun gama cin abincin....... Tashin hankali da ba'a saka mashi date!.
Wani irin zaro idanu Kamran ɗin ya yi tamkar idanunsa zasu fito su faɗi ƙasa, tunani yake yi idan Pretty ta fito tabbas kasheta zasu yi, shi kuma da bai shiryawa yaki ba, ko wuƙarsa da yake fita da ita yau ma bai ɗauko ba, saboda zumuɗin ya zo wajensu ya mantata a gida.
Waɗan nan shegun warriors da suke kamar wasu dodannin nan wlh cikin minti ɗaya tsab zasu hallaƙata mana Prettynmu, babu imani ko miskala zarratin a tattare da su, wasu bujumaye da su, waɗan nan idan ka gansu ma sai ka rantse da Allah suna cin namar bil adama, saboda yanayinsu babu imani tamkar duwatsune a cikin kirazansu ba zuciya ba, ko shi kansa Kamran ɗin a yadda yake ɗin nan ya kuskura ya sauko cinye namarsa ɗanye zasu yi bare kuma Pretty ƴar firitu da ita da ko cinyeta suka ce zasu yi namarta ta yi masu kaɗan.
Kamran dai bai gama razana ba har sai da ya ga Pretty ta buɗe wannan kofar tasu tana ƙoƙarin fitowa waje, daga in da yake yana iya kallonta, dan har ta fara fitowa waje, kuma suma warriors ɗin tsab zasu kalleta tana fitowa, saboda suna fuskantar ta wajen da take ɗin ne, ita kuma da yake bata san komai ba sai ta yi yunƙurin fitowarta kai tsaye kamar yadda ta saba, har ma da karawa da saurinta dan ta fito ta kira Kamran...........
Wayyo Rocky yana can yana watandarsa bare mu ce ya kawo masu agaji, yau take sallarsa ai ba zai kula Kamran ba, Wayyo ni kai'na kada waɗan nan azzaluman su cinye mana Pretty ɗanyarta fa......💔😥
🤍KADA KU MANTA WANNAN DADDAƊAR LABARIN DAGA ALKALAMIN FATEEMA ZAHRA MUSA PRINCESS TEEMA TAKU TA AMANA YAKE🔥💘
Share fisabilillahi 👏
ALLAH KA KARA MANA SON MANZON ALLAH 🔥🤍
🤍🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍
🔥CROWN OF INJUSTICE🔥
𝗠𝗔𝗟𝗟𝗔𝗞𝗜𝗡
❤️🔥FATEEMA ZAHRA MUSA ❤️🔥
(❤️A-K-A 𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)
Wayyo Rocky yana can yana watandarsa bare mu ce ya kawo masu agaji, yau take sallarsa ai ba zai kula Kamran ba, Wayyo ni kai'na kada waɗan nan azzaluman su cinye mana Pretty ɗanyarta fa......💔😥
Idan muka leƙa KINGDOM OF POWER kuma.
Su Momma sun kammala cin abincinsu lafiya lou kamar yadda suka saba, sannan ƴan matan nasu suka miƙe kowacce ta mufi bedroom nata, su Sarina dukka a part na King suke ba a part na uncle Abbas, tare da su Aneesa suke, kowa da ɗakinsa, so dan haka suna kammala cin abinci kowacce ta wuce nata ɗakin.
Sarina kamar zata yi kuka ta nufi part ɗin yayan nata wato Jawad, so take ta je ta bashi hakuri dan ya bata wayarta, ba zata iya zama babu waya a hannunta ba, kuma koda ta sayi wani wayar ba zai bata abin da take so ba, saboda akwai abubuwa dayawa a cikin natan da bata son yin loosing ɗinsa, so is better for her da ta je ta roƙesa.
Sai wani yanga take yi tana tura baki, kamar akwai wani a gabanta take aikin harare harare, ga idanun nata kamar na Jawad ɗin, dara dara da su, wannan da ita ce ƴar Jawad ba shakka zai sha duka a hannunta yau.......😅
Ƙasa ƙasa ta yi sallama a kofar shiga parlourn nasa, kamar wadda aka sanya dole ta yi sallamar, ina da tabbacin ba dan tsoronsa da take ji ba da ba shakka ba zata yi wannan sallama ba, kawai tana tsoron shan duka ne.
Shiru ba'a amsa mata sallamar ba, tsayuwa ta yi a wajen na almost 2 mins kafin ta sake kwaɗa mashi wata sallamar.
Kuyangu guda biyu dake a parlourn ne suka amsa mata sallamar tata cikin ɗari ɗari, ga dukkan alamu suna tsoron amsa mata sallamar, dan bala'in ta ya yi yawa.
Ai kuwa sun gudu basu tsira ba, dan kuwa tana shigowa sai da ta hau surfa masu uwar bala'i a kan ina ruwansu da sallamarta da zasu wani amsa mata? Shin su ta yi wa sallamar ne? Ko ta ce wata ƙasƙantacciyar baiwa ta tanka maganarta ne?.
Ƙasa suka yi da kai suna mai bata hakuri tare da yin alkawarin ba zasu sake ba, bayin Allah a matsayinsu na musulmai ne suke ganin kamar rashin amsa sallamar ba dai'dai bane, kuma hakan ne, ba dai'dai bane kana matsayin musulmi ayi maka sallama baka amsa ba, koda kuwa baku shiri da mutum amsa sallama wajibi ne idan aka yi maka, amma ita amsa mata ɗin ma bala'i ne, wannan yarinya sai dai shirin Allah kawai, bata son talakawa ko kaɗan, ga shegen iyayi da kwainane, ita ko ƴaƴan manyan sarakuna ma ganin ƙasƙantattun mutane take yi masu, wannan da ita ce a kan kujera riƙe da karagar mulki zata mulki mutane da anga bone wlh, ina ga daga karshe jama'a ne zasu yi mata bore su sauketa daga kan kujerar.
Sai da ta gama zagesu fes, da Allah yasa ma bata haɗa masu da mari ba, sannan ne ta nufi bedroom ɗin yayan nata, tana wani yamutse fuska kamar wadda ta kalli kashi ko wani abin kyamar, sai wani ɗage dogon hanci sama take yi, kada fa kuce mummuna ce, a'a wlh, Gimbiya Sarina kyakkyawace kamar uncle Abbas, jinin Akkas ce ai, kawai ita dai halinta ne masifa da bala'i sai shirin Allah, bata son ganin ƙasƙantattun mutane a arear da take, shiyasa mai aikin da take yi mata aikin gyaran bedroom nata tana ganin bala'i, tana ƙoƙari, duk cikin ƴan'matan gidan ita kaɗai aka sha canzawa masu yi mata hidima, dan sai ta ce sun cika ƙazanta bata son su a kawo wasu, kuma wlh suna da tsabta, kawai idan aka samu akasi ne ta ga datti komai ƙanƙantarta sai ta ce sun yi mata ƙazanta a cikin bedroom nata, dan haka ita ba zata zauna da su ba a canza su!! Haka Mummy take sanyawa a canza mata wasu, dama mummy ce mai goya mata baya tana abin da ta ga dama, komai ta yi bata laifi, a gidan gabaɗaya sun fi shiri da mum ɗin.
Sallama a bakin haɗaɗɗen kofar shiga cikin bedroom ɗin nasa ta yi. Shiru bai amsa mata ba, su kuwa kuyangun nan suka cigaba da aikin da suke yi na yi mashi gyaran dare, dama sau uku suke zuwa gyara mashi part ɗin nasa, safe da rana da kuma dare, aiki ba hutawa, saboda ƴaƴan Akka da jikokinta na gaya maku basu shiri da datti, basu son ƙazanta, suna da balai'n tsabta sosai, shiyasa komai nasu yake fes fes, kuyangu masu yi masu hidima suna ƙoƙari sosai wlh!.
Ta kai almost 5 mins a tsaye ba tare da ta ji motsin komai ba, kuma ga shi ba'a a amsa mata sallamar tata ba, hakan yasa ta yi tunanin bari ta shiga ciki ta duba shi, bata san cewa Prince Jaish ya dawo ba, idan ta san ya dawo ma ba zata zo neman Yah Jawad ba, domin tasan dole suna a tare basu rabuwa.
A hankali ta tura kofar bedroom ɗin ta shiga, aljannar duniya, oooooo familyn King suna sha'aninsu, kowa ka leƙa part ɗinsa sai ka ji kamar ba'a duniya kake ba, sai ma ka rasa part ɗin waye zaka zaɓa a ciki, wannan ruwan ido ma sai ya hanaka zaɓar komai, dan idan aka ce ka zaɓa sai ka kwana ka wuni kana kewaye a Parts ɗin, duk wanda ka shiga kuma sai ka ga ya fi na wannan kyau, idan ka shiga wani shi ma sai kaga ya fi wadda ka fita yanzu kyau, sai ka yi wata baka iya zaɓar wadda zaka zaɓa ba, saboda dukka sun haɗu ne na wuce misali.
Sai tashin daddaɗar kamshin da sanyin Ac bedroom ɗin nasa yake yi, komai tsab tsab kamar yanzu aka cirosu daga ledarsu, kuyangun sun iya gyara sosai, sun san aikinsu.
Babu kowa a cikin bedroom ɗin sai haɗaɗɗiyar katafaren bed nasa da ya sha gyara da shinfiɗu na alfarma. Haka ma cikin bathroom shiru bata ji motsin kowa a wajen ba, a hankali kamar wata ɓarauniya ta lallaɓa izuwa balconynsa dan ta leƙa.
Nan ma babu kowa, da alama dai baya a cikin part ɗin. Dawowa cikin bedroom ɗin ta yi ta ɗan fara dube dube ko zata ga wayarta, tsabar tsoro har ɗan kerma jikinta yake yi, saboda ta san idan ya kamata a cikin bedroom ɗinsa tana yi mashi leƙe leƙe sai ya bata punishment, jikinta ne zai gaya mata, kuma dai tasan bata isa ta ɗauki wayar tata ba koda ta gani, dan ko giyar wake take sha bata isa yayyun nata su kwace abu su ajiye kuma ta ɗauka ba, babu ma wanda ya isa ya yi hakan a cikinsu, kawai tana duba wayar ne idan ta gani ta ɗan ɗauka ta kunna ta ɗan duba cikin wayar, dan tana kewayar mutanenta da suke chatting! Idan ta gama gani kuma ta mayar ta ajiye a in da ta gani ta kama kanta har sai ranar da ya ɗauko da hannunsa da kansa ya bata, bata isa ta tafi da shi ba.
Sai dai kash ta yi iya dube dubenta babu wani abin da ta gani, ko na Chuchu dana Fanan da ya karɓa daga baya ma babu su a cikin room ɗin bata gani ba. Kuma duk bala'in rashin kunyarta ba zata iya zuwa part na Jaish neman Yah Jawad ɗin ba, tana mahaukacin tsoron Jaish, dan shi bashi da wasa kuma baya ɗaukar wasa, yanzu zai haɗa mata jini da majina, gara Jawad sau dubu a kan Jaish, so tun da bata ga Yah Jawad ɗin ba ta san duk yadda aka yi yana part ɗin Yah Jaish, zuciyarta ya gaya mata tabbas Yah Jaish ya dawo, dan haka sai dai ta hakura da ta tunkari part ɗin yah Jaish, ai ko giyar wake ta sha ba zata iya zuwa can ba, part ɗin Yah Jawad ɗin ma shahada ta yi ta zo.
Kamar zata yi kuka haka ta fito tare da janyo mashi kofar bedroom ɗin nasa ta nufi waje, sai kace kuyangun nan ne suka yi mata laifi, ta wani wurga masu uwar harara kafin ta sa kai ta bar part ɗin. Bayin Allan su kuwa ko alamar damuwa ba su nuna sun damu ba, sai ma suka ƙarisa aikinsu wanda yake da shi da babu duk ɗaya ne, domin kuwa part ɗin yana da haske babu datti, amma a haka sai sun zo sun sake gyarawa, kunga kuwa wannan aiki kusan da shi da babu duk ɗaya ne. Bayan sun kammala suka bulbula mashi turarukan ɗaki masu daɗin kamshi kafin su fita su ja mashi kofar su nufi nasu ɓangaren na kuyangu.
Ita kuwa hajiya Gimbiya Sarina part nata ta nufa kamar zata yi kuka, tana shiga ta fara ɓallawa kuyangar dake yi mata hidima harara, sai ka ce su ne suka yi mata laifi.
Kayan jikinta ta fara cirewa kafin ta ɗaura wani ɗan figalallen towel da bai gama rufe mata tsala tsalan jajir ɗin cinyoyin nan nata ba, a haka ta nufi cikin bathroom.
A hanzarce kuyangarta ta zo ta fara kwashe kayan nata da ta cire ta barsu a saman katafaren bed ɗinta, tsab ta kwashesu ta ƙara gyara mata ɗakin da kyau.
Bata wani jima sosai a cikin bathroom ɗin ba ta fito sanye da bathrobe fara kal a jikinta, ta nannaɗe wannan dogon gashin kan nasu na larabawan da farar karamar towel
Gaban katafaren dressing mirrorta dake shaƙe da kayan shafa ne, su turaruka da su make up artis ɗinta ta nufa. Tsadaddun lotions nata ta murje jikinta da shi, kamar bata son taɓa jikin nata, saboda shegen kaunar skin ɗin nan nata da take yi, sam bata son abin da zai taɓa mata shi, kamar ba za'a mutu ƙasa ta cinye skin ɗin ba, kullum cikin gyaransa take, sai dai kuma ba karya fa yana nuna ana gyara shi ɗin, ya yi luwai luwai da shi sosai, ga tsantsi da sheki Masha Allah.