kanula, but ruwan tuni ya ƙare tun cikin dare Nurse ta cire mata, yanayin da take ji a jikinta da kuma yanda kanta ke juya wa ba ta fahimtar komai, har sanda Momy ta dawo da Likita kallon su kawai take yi bata san me suke cewa ba, sai dai kawai tana bin umarnin abun da Likita yace mata ne
Sai da ya duba ta ya gama sannan ya fita a ɗakin,
Momy ta zauna a gefen ta tana kallon ta tare da ƙara mata sannu
Murmushi Maryamu tayi bata ce komai ba, sai ma mayar da kanta da tayi tana rufe idanunta sabida yanda take jin kamar ana juya ta, kafin lokaci ƙanƙani wani barcin ya ɗauke ta
Fahimtar hakan ne yasa Momy ta dauki waya ta kira Sadiq, tace masa, "ya zo ya tsaya a wurin Maryam yanzu."
Bayan ya zo sai ita ta koma gida ta haɗa musu breakfast
Tun jiya da SHAREEF ya shiga ɗaki ya rufe kansa har yanzu ya ƙi fitowa, duk kiran da Dady yayi masa yayi burus dashi ya ƙi fitowa, ran Dady ya ɓaci matuƙa amma haka nan ya haƙura ya ƙyale sa. Ita kanta Momy da ta koma sai da ta neme shi amma ya ƙi buɗe musu kofa, dole suka fita harkansa bayan ta gama breakfast ɗin ta zuba suka tafi dashi; ita da Dady suka dawo time ɗin ma bata farka ba
Sai kusan ƙarfe goma sannan ta farka, jikin nata da sauki tana iya tuna komai sosai. Shi yasa ta soma kiran sunan SHAREEF tana hawaye
Momy tace, "ki yi shiru mana kinga ba ki da lafiya Maryam, zai zo yanzu ya duba ki ki dena kuka."
Daƙyar ta samu ta rarrashe ta har tayi breakfast ɗin,
Bayan sun ga hankalin ta ya ɗan dawo jikinta shine Momy tayi mata tambayar, sabida gaba ɗayan su da zullumin abun suka kwana,
Musamman ma Dady da hankalin sa ya fi kowa tashi, don dai kawai yana ɓoye abun a ransa ne amma ya fi su shiga matsananciyar damuwa
Ta sigan da Momy ta tambaye ta shiyasa cikin sauƙi ta sanar musu da cewan, "SHAREEF ne yayi mata cikin".
[21/02, 8:37 am] OumƊahirah نفيسة: 🌱🌱🌱🌱🌱
__________
*BOOK1*
_______________*FREE PAGE37*
_____Tunda SHAREEF ya rufe kansa a daren jiya ko fitowa ya ƙi yi, kwana yayi a cikin wani irin yanayin da bazai taɓa iya misalta shi ba, jin mummunar labarin nan ya ruguza masa dukkan farin cikin sa, wani irin ɓacin rai tare da tsanar Maryamu ya ƙara tasiri a cikin ransa, musamman in ya tuna sabida ita a karon farko Momyn sa ta ɗaga hannu ta mare sa, duk in ya tuna sai ya saka hannunsa a saman kuncin sa ya riƙe wurin yana jin zuciyarsa tamkar zata fashe don baƙin ciki, tsananin tafarfasa take mishi kamar ya haukace don mugun baƙin ciki da zafin zuciyar da ke tare da shi, idanunsa sun kaɗa sun yi jazur har da hawayen sa saboda ya kasa jure ƙunci da takaicin da yake ji, taya ya za a ce wannan ƙasƙantacciyar da yake ganin ta tamkar ƴar aikin gidan su; ita ce zata zama Matarsa? Shikenan ta rusa farin cikin sa da jin daɗin sa? Ta zo ta wargaza masa duk wani buri nasa da rayuwarsa, tabbas bazai taɓa yafe mata ba, kuma ko me za a yi bazai taɓa amince wa da ita a matsayin Matarsa ba, bazai taɓa yarda ba. Ƙarshe kwanciya yayi a ƙasan cerfet ɗin sa yana jin duk bugun ƙofan da Dadyn sa yake yi but ya ƙi buɗe wa, duk idan ya tuna maganar ma hawaye ne ke malale a kuncin sa yana jin zuciyarsa na ƙara tafarfasa kamar ya fito ya kama yarinyar yayi mata shegen duka, meyasa ta shigo rayuwarsa? Ba ya buƙatar ta kwata-kwata, kuma duk yanda za a yi sai ya fitar da ita, babu wanda zai mishi iyaka da abar ƙaunarsa
A haka ya kwana a wannan halin da ya sanya mishi matsanancin ciwon kai, har wani zazzaɓi yake ji a jikinsa ko runtsa wa ya kasa yi tsaban tunani da zullumin abun da zai biyo baya, yana ganin ko ta halin ƙa-ƙa bazai taɓa iya yin ma iyayensa biyayya ba in har sai ya zauna da yarinyar da bata isa ta kai matsayin Matarsa ba, tabbas bata kai matsayin ba, kuma idan har aka dage ya zauna da ita to haƙiƙa sai ya gasa mata Aya a hannu, sai ta gummace ba a haife ta har ta san shi ba, lallai zai nuna mata wane ne SHAREEF? Da kalan abun da zai iya aikata wa.
Kafin safe duk ya gama fice wa a hayyacin sa, idanun nan nasa sun kumbura suntum sun yi ja, babu ko ɗigon walwala a tare da shi, yanda ka san an yi mishi bushara da mummunan abu, a haka ya tashi yayi sallah a ɗakin ya sake zama yana ta saƙe-saƙe da abun da zai aiwatar wajen yakice yarinyar, Haseena ce farin cikin sa, ita kaɗai yake da burin aure, ita ce Macen da yake jin zai iya auren ta ya samu farin ciki a zuciya, duk wanda ya shiga tsakanin su kuma sai inda ƙarfin sa ya ƙare wajen ganin bayansa, don haka dole ne ya nuna wa yarinyar iyakan ta
Koda ya ji muryan Momy daga baya itama ta zo tana dukan ƙofan nasa da kiran sunan sa, but ya ƙi buɗe wa, sai ma kwanciya da yayi ya rufe idanunsa yana jin tamkar zai mutu don ƙunci da ɓacin ran da ke tare dashi,
Sai daga baya ne ya kunna wayansa sabida ya san dole Haseena zata neme shi, ilai kuwa sai ga shigowar message ɗin ta tana faɗa mishi, "by ten zata tafi airport, in ya kunna wayan ya kira ta."
Bai tsaya kiran ta ba; sai ya tashi yayi wanka ya shirya cikin ƙananan kaya da suka yi masa kyau ainun, duk da babu fara'a a tare da shi, ya haɗe fuska sosai har yanzu idanunsa da kumburin da suka yi, kuma basu washe sosai ba, kana kallonsa ka san akwai abun da ke damun sa,
Fita yayi ta ƙofan baya ya shiga Motan sa zuwa gidan su Haseena,
Koda ya je bai shiga ba sai ya tsaya a waje,
Sai dai ya kira ta ya sanar mata, "yana waje."
Bayan kamar mintina goma sai ga ta ta fito ita kaɗai da Bag ɗin ta, ta cakare cikin ƙananun kaya riga da wando, sai ta yafa mayafi a kanta, sosai tayi kyau sai taunan chewing gum take yi yanda ka san karuwa, fuskar nan ta sha MakeUp kamar zata je gasar kyau
Kallon fuskarta kaɗai da SHAREEF yayi sai da ya ji sanyi a ransa, a hankali kuma ɓacin ran da ke tare dashi ya soma raguwa, haba; taya ya zai iya barin Mace kamar Haseena ya auri Bagidajiyar yarinya rainon ƙauye? Impossible! Hakan bazai taɓa faruwa ba, ko ta halin ya ya sai ya yakice yarinyar a jikinsa, Haseena ita ce zaɓin sa, zaɓin zuciyarsa, ita ce farin cikin sa, ita yake ƙauna, ita yake fatan ya aura, ita ce komai nasa, rasa ta kamar ya rasa farin cikin sa ne na har abada, kuma zai yi yaƙi a kan haka domin ƙwato farin cikin sa
Ita kanta Haseena tayi mamakin ganin yanda mood ɗin sa ya sauya, sabida tunda take dashi bai taɓa zuwar mata a haka ba, ta san wane ne SHAREEF, ta san yanda yake matuƙar kaunarta, dole akwai wani abun da ke damun sa, duk da ya ƙi faɗa mata duk iya tambayoyin da take mishi, sai ma jeho mata nashi tambayar da yayi a kan sanar da Abbanta auren su,
Tabbas ta yi wa Abbanta maganar auren
Amma shi yace, "ba buƙatar haka gaskiya, ta lallaɓa sa ya bar zancen domin ba yanzu zai yi mata aure ba sai ta dawo daga school, idan ta gama sai a yi auren, ko kuma in ya yarda ya turo Iyayensa a yi maganar auren a saka rana; after ta gama karatun ta sai a yi auren."
Wannan bayanin da ta sanar mishi; shi ya ƙara dagula zuciyar SHAREEF, babu wasa a cikin lamarin sa ya kira sunan ta yace, "Haseena, ba bukatar ki ci gaba da ɓata min lokaci raina yana ɓaci, kinga sabida ke wata gagarumar matsala tana shirin kunno min kai, idan ban samu tabbacin auren mu a yanzu ba komai zai iya faruwa, Haseena wannan lokacin babu wasa a cikin lamari na, ki shawo kan Mahaifinki a yi mana aure kamar yanda na ce miki; ko kuma zan rabu da ke na har abada."
Yanda ya tsare ta da ido yana faɗa mata maganar, tabbas ta hango tsantsan gaskiyarsa, kuma hakan ba ƙaramin ɗaga mata hankali yayi ba har ta kasa magana ta bi sa da ido tana ɓarin baki
Shi kuma fuska a ɗaure yake kallonta duk da ba wai har zuciyarsa haka zancen yake ba, bazai taɓa iya rabuwa da ita ba, amma dole zai nuna mata da gasken yake yi domin ta dauki maganar sa da muhimmanci
Kuma tabbas ta ɗauka, ta ruɗe matuƙa da jin kalaman sa wanda bata taɓa tunanin hakan ba, ba ta jin ita kanta zata iya rayuwa babu shi a tare da ita, already ya zame mata jinin jikinta, rasa sa kamar ta rasa rayuwarta ne, tana matuƙar ƙaunar SHAREEF har cikin zuciyarta, kuma baza ta so a ce ta rasa shi ba; bare har ta ga wata Macen a tare dashi ba ita ba, never. Sai inda ƙarfin ta ya ƙare.
Kuka ta saka mishi lokacin da ya tayar da motan yana ƙoƙarin tafiya
Duk da yana jin kukan nata har ransa, amma bai tsaya ba, bai kuma kalle ta ba, sai dai ya sassauta murya sabida bazai iya ci gaba da juran jin kukan ta batare da ya rarrashe ta ba, hakan ne yasa ya kira sunan ta yana furta, "Haseena ki yi shiru haka nan bazan iya jure kukan ki ba, yana taɓa min zuciya."
"Taya ya zan yi shiru bayan ka soma furta min zaka iya rabuwa da Ni?" Tayi masa maganar tana kallonsa hawaye na ci gaba da ɗigan mata, "yanzu ashe har ka soma tunanin haka a ranka? Me nayi maka da zafi haka?"
Ɗan kallonta yayi ya kawar da kai, sai ya ci gaba da tuƙin nasa murya a sanyaye yace, "abun da yasa na furta miki haka sabida ki san halin da nake ciki ne sweetheart, na ga kamar kina wasa ne ba ki ɗauki maganar da serious ba, ina cikin tashin hankalin da zan iya rasa ki gaba ɗaya a cikin rayuwata sweetheart, idan ba ki taimake ni ba komai zai iya faruwa, kin fi son mu rasa juna ko?"
Ya ƙare maganar yana tsare ta da ido
Girgiza masa kai tayi tare da furta, "but why can't you tell me the problem? Wannan ba hujja bace, tunda har zaka iya furta min zamu rabu; kenan ba ka sona a yanzu? A nan gaba ma zaka iya rabuwa da Ni bayan ka san ba laifi na bane."
Ganin yanda ta ɗauki maganar da zafi tana ci gaba da kukan nata, sai ya tsayar da Motan ya soma rarrashinta yana jawo ta a jikinsa, daga ƙarshe sai ya zura bakin sa cikin nata yana mata wani irin zuƙa cikin salo kamar zai cinye ta, dama abun da yake buƙata kenan, nan da nan ya soma romance ɗin ta cike da wani irin shauƙi da tsananin sha'awar ta, ya kasa control din kansa haka yake sarrafa ta tuni ya ɗaura ta a jikinsa sai matsa mata boobs yake yi yana mata salon sa mai fitar da mutum a yanayi
Haseena kwata-kwata ba ta jin daɗin abun da yake mata, kawai biye masa tayi idanunta a rufe tana jan numfashin wahala; ranta babu daɗi. Sai da ta ga yana son wuce gona da iri kuma zata iya missing Flight dinta sannan ta dakatar dashi daƙyar
Idanunsa sun sake yin ja sai fitar da numfashi yake yi yana jin kamar ya haɗiye ta don so da sha'awar ta, ya kasa ma magana sai tayar da motan da yayi ya ja suka tafi, babu mai magana a cikin su sai da suka yi nisa
Daga baya Haseenan take ƙara ba shi haƙuri tare da furta masa, "zata shawo kan Abbanta ya amince."
Sai lokacin ya ji sanyi a ransa, sai ya kama hannunta ya tamke sosai yana sakar mata kallon soyayya, "i love You Sweetheart, ina son ki matuƙa, ki san da sani ke ce farin cikina, already na rigada na ba ki kaina ki kula min da zuciyata amana, Ni taki ce har abada ki saka a ranki, duk wata Mace bayan ki take. Ina sonki!"
Haka ya dinga zuba mata sambatu har suka isa can, sai da ya sake lugui-luguita ta yayi mata kissing kamar zai haɗiye ta, before ya ƙyale ta suka yi sallama, har sai da ya ga shigan ta jirgi sannan ya shiga Mota ya tafi, gaba ɗaya ɓacin ransa da ƙuncin sa ya nema ya rasa, zuciyarsa tayi sanyi sai wani irin kewa da ke shigan sa, ji yake yi kamar ya bi ta haka yake ji; don ba ya son ya koma gida ya haɗu da matsalar nan kuma daga ƙarshe a ɓata masa ɗan farin cikin sa. Sai ya juya kan Motan zuwa Company duk da bai koma ba tun bayan yin masa operation, dama gobe yake saka ran koma wa.
🔆🔆🔆
_____Amsar da Maryamu ta bayar; ya saka su Momy cikin tsantsan mamaki da al'ajabi, SHAREEF. SHAREEF shi ne yayi mata cikin amma yake nuna irin wannan tukuburcin; har yana iya fiffiga yana musu tsaurin ido a kan ba ya sonta? Lallai wannan Yaron, rashin kunyan nasa ya wuce tunanin su, har ya iya zagayawa ya lallaɓa yarinya ƙarama; amma a gaban idanunsu yana musu pretending don shi mara kunya ne?
Lallai sun shaƙa da yawa, barin ma Momy ba ta ɗaukar abu da wasa, tana da zafi sosai fiye da Dady, kuma ta sha alwashin sai ta ci mutuncin SHAREEF in har suka koma gida, da ita yake zancen, ƙwafa kawai tayi bata sake yi wa Maryamu maganar ba, sai ma bayan Dady ya fita ta saka ta tayi wanka ta kimtsa jikinta,
Likita bai daɗe ba ma ya zo ya basu sallama tunda jikin nata da sauƙi,
Sai suka haɗa kayan su suka wuce gida tare da Dady da ya dawo daukar su; since Sadiq yana school tun safe da ya zo duba Maryamu ya wuce
Koda suka koma gida magani Momy ta bata ta sha bayan ta ci abinci, tace mata, "ta je ɗaki ta kwanta ta huta."
Bayan ta tafi suka zauna a Falon suna tunanin matakin da zasu ɗauka
"Yanzu Alhaji ya kake ganin za a yi da SHAREEF?"
"Bari in kira sa a waya."
Ya sa hannu ya ciro wayan daga aljihun sa yana lalubo numban SHAREEF, ring take yi but bai ɗaga ba har ta tsinke
Momy kuma sai kaɗa ƙafa take yi kamar zata ƙwace wayan don takaici, sosai tayi fushi da SHAREEF ɗin don wlh sai ta nuna mishi kuskuren sa, bai taɓa ganin ɓacin ranta ba a wannan karon zai gani in har bazai bi abun da suke so ba, ba a haifi Yaron da zai gagare su ba, SHAREEF har nawa yake da zai riƙa juya su?
Miƙewa tayi ta bar wurin ta shiga kichen domin nema musu abun da zasu ci, tana ɗan kaye-kayen ta can ta ji kamar Dadyn ya gama wayan, sai ta koma ta tambaye sa, "ya ɗauki wayan?"
"Ya ɗauka, na ba shi umarnin zuwa yanzu zai zo."
"Gwara haka dai, domin gani nake yi SHAREEF yana son ya gagare mu, don Allah Alhaji kar kayi mishi da sauƙi, Ni fa bazan taɓa bari SHAREEF ya auri wannan yarinyar da ko da ganinta ka san bata da tarbiyya ba, har yaushe yayi wayon da zamu nuna masa abun da ya dace dashi; amma ya ƙetare mana? Ruɗin duniya ya soma rufe masa ido, irin waɗannan Matan kawai yake iya hango wa yana ganin su ne dai-dai da shi; sabida ya raina Maryam tunda ita ta taso a ƙauye, ya san me zata zama a nan gaba ne? Amma don shi munafiki ne har da zagaya wa ya neme ta. Wannan abun da me yayi kama? To da ace ba matarsa bace ya kenan Alhaji? Wlh raina ya ɓaci matuƙa, kuma zai zo ya same Ni sai na ci masa mutunci, ko kunya bai dashi."
"Duk da haka Deeja, mu bi komai a sannu don Allah, har yanzu SHAREEF Yaro ne, kin san Yaran zamani kuma ka haife su ne baka haifi halin su ba, tunda har SHAREEF yana da wacce yake so zai yi wuya ya ɗauki Maryam a matsayin Matarsa har yayi mana biyayya, tun farko bamu yi wannan tunanin ba; da Hanif zamu aura wa tunda shi ya fi shi sauƙin kai."
Rai a ɓace Momy tace, "dole mana ya fi shi sauƙin kai tunda ya fi shi tunani da hankali, kuma in har wannan yarinyar ce ai gwara babu da ita, don wlh bazai aure ta ba ko me zai yi, mu muka haifi SHAREEF ba shi ya haife mu ba, Maryam dole ya zauna da ita tunda har ya iya ɗirka mata ciki dan Uban shi, Ni bari in je kichen na bar abu a wuta, ina jiransa zai dawo ya same mu."
Ta juya ta wuce cikin kichen bata saurari Dady ba
Shi kuma girgiza kansa yayi yana mamakin zafi irin na Momy, ɗaukar remote yayi ya kunna TV yana neman tashan da zai kalla
Almost 20 minutes before suka ji shigowar Motan SHAREEF, daga baya sai ga shi ya shigo cikin falon fuskarsa a haɗe har yanzu da ɗan kumburin a saman fuskarsa, shigowa yayi yana ɗan motsa bakin sa alamun yayi sallama
While Dady tunda yayi masa kallo ɗaya ya ɗauke kansa, har sai da ya ƙariso wurin