jin zuciyarta ta soma zafi, idanu ta ɗago ta zuba mishi lokacin ne hawaye ke tseren gudu a kan kuncin ta
Lokacin SHAREEF ya buɗe ido sai suka faɗa cikin nata, yanda ta zuba mishi manyan idanun nata da suka ƙara buɗe wa suka yi luhu-luhu da ja, sai da gabansa ya faɗi, janye idanunsa yayi da sauri yana dafe kansa, sai ya rage murya yana cewa, "sweetheart bari in zo, Give me a little time to call you." Wayan ya kashe ba tare da ya jira cewar ta ba, sai ya mayar da idanunsa a kan Maryamu wacce har yanzu ta kafa masa ido ko ƙyafta su ba ta yi. Ƙarfin hali yayi ya daka mata tsawa
Sai ta motsa idanun tana lumshe su tare da buɗe su nan take, mike wa tayi ta fice a ɗakin bata saurare shi ba duk da kiran da yake mata
SHAREEF da mamakin yanda tayi banza dashi ya bi bayanta da kallo, "lallai wannan yarinyar, zai koya mata hankali, har shi yake kiranta tana banza da shi?" Sai ya miƙe yana nufan ƙofa ya fice. In quickly ya sauka ƙasa ya isa kichen yana kwaɗa kiran Momy
Mom tace, "lafiya wannan kiran SHAREEF? Mene ne?"
"Mom. Ina wannan shegiyar yarinyar? Sai na ci ubanta in na kama ta, babu mai ƙwatan ta a gidan nan." Yayi maganar a fusace cikin ɗaga murya
Momy tace, "kanka ɗaya kuwa SHAREEF? Me tayi maka da kake neman ta? And I said, what did she do to you?"
Huci yake yi ya kasa ma magana don takaici
Sai ta ɗaure fuska tace, "ko me zaka yi zan iya jure wa amma ban da cin zalun SHAREEF, yarinyar ƙanwarka ne You better ka kiyaye abun da zaka riƙa faɗa, ba na son haka fa."
"Mom zubar min da kunu tayi a ɗaki fa, kuma kike cewa bazan taɓa ta ba? Why did you send her after I told you I don't want? Ba na son ganin ta." Yayi maganar cikin ɗaga murya da nuna faɗan sa. Sai kuma ya juya ba tare da ya jira cewar ta ba ya bar kichen ɗin a fusace
Sai Momyn ta biyo bayansa tunda ta san halin SHAREEF, tsab zai iya zane yarinyar kamar yanda ya faɗa tunda ta ga ransa ya ɓaci. Fitowa tayi but bata ga Maryamun ba, shiyasa ta shiga har ɗakin ta amma babu ita. Dole ta koma kichen don ta duba abincin ta kar ya ƙone.
***
Maryamu kuma tana can ta bi ɗayan benen ta fita ta ƙofan baya. A faranda ta samu wuri ta zauna tana ta zubar da hawaye, wani irin zafi take ji a cikin zuciyarta, haka kawai take jin tsananin kishi mai zafi sabida jin wayan da SHAREEF ɗin yake yi da wata, hannu ta sa ta sharce hawayen ta tana ɗaura kanta a saman gwiwowin ta, yayinda ta dinga shashsheƙan kuka a hankali tana ƙara dulmiya kanta a tsakankanin cinyoyin ta
Sadiq shi ya hango ta lokacin da ya shigo gidan yana shirin wuce wa, har ya gota kuma sai ya dawo baya sabida hango ta da yayi, ya taka ya isa wurin ta yana kiran sunanta da mamakin kasancewar ta a wurin kuma a wannan yanayin. "Maryam, wa ya buge ki?"
Ɗago kai tayi da sauri sabida bata yi zaton ganin sa ba, shiyasa ta tsorata ta ɗaga kai a firgice, ganin shi ne sai ta soma sharce hawayen tana ƙoƙarin share su daga fuskarta, amma wasu ke fito wa kamar ana ɓulɓulo su
Zama yayi gefen ta yana kama mata hannun tare da cewa, "wa ya taɓa ki Maryam? Faɗa min mana inji me aka yi miki?"
Cikin shashsheƙan kukan take cewa, "Yaya SHAREEF ne..."
"Me yayi miki Yaya SHAREEF ɗin? Oya tell me, let's share the problem together."
Kasa magana tayi sabida kukan da ya ci ƙarfin ta a lokacin. Sai ya sake kama hannunta yana faɗin, "haba ƴar ƙanwata, kina so ciwo ya kama ki ne kike wannan kukan? Ki yi shiru kar ki sa wa kanki ciwon kai, Ni ne fa Yayan ki Sadiq faɗa min me Yaya SHAREEF ɗin yayi miki?"
"Kawai daga Momy tace in kai mishi Kunu ɗaki, shi ne ya mare Ni."
"Mari kuma Maryam? Shi Yaya SHAREEF ya mare ki?"
Kai ta ɗaga mishi tana ƙara tsiyayar da hawayen har tana jan numfashi
Hannu yasa cike da tausayin ta yana share mata hawayen tare da cewa, "to ki yi haƙuri don Allah. I don't like what he did to you, but I apologize, kinji ƴar ƙanwata share hawayen naki haka nan."
Sai ta ɗago ido tana kallonsa, yayinda ta ja majina a hankali tace, "amma meyasa Yaya SHAREEF ba ya sona? Har ce min yake yi Jaka ƴar aiki ƙazamiya, kuma na ji yana ce ma wata a waya yana sonta, kenan Ni ba ya so na?"
Yanda tayi da fuska ne, sai yayi mata murmushi yace, "in ji wa? Shi Yaya SHAREEF ɗin ya ce ba ya sonki ne?"
"Ko ba ya sona amma ya tsane Ni, shi ba irin ka bane ko kallo na ba ya yi, shikenan Ni bazai so Ni ba tunda yana da wata wacce yake so?"
"No, ai ke Matarsa ce, kuma idan kika zama yanda yake so ai zai so ki ke ma kamar kowacce Mace, kuma wancan da kika ji yana waya da ita maybe friend ɗin sa ce, don haka ki share zancen ta, yanzu ke Matarsa ce, duk abun da Yaya SHAREEF yake so shi za ki riƙa yi, nan gaba ai bazai na kiran ki ƴar ƙauye ba since yanzu kin zo cikin birni za ki canza ko? Common mana my little sister ki dena kuka a kan wannan ƙaramin abun haka, i know ke Jaruma ce, Yaya SHAREEF haka yake, duk abun da zai ce miki kar ranki ya ɓaci, just ki ba shi mamaki ne, ki zama abun da bai yi zato ba, sai ya zo da kanshi yana kukan ki so shi."
Baki ta washe lokaci guda, kamar ba ita ce take kukan yanzu ba, sai tace, "Allah Yaya Sadiq?"
Hancin ta ya lakuce yana murmusawa tare da cewa, "i swear my little sister. Ai ke kyakkyawa ce, kuma Yaya SHAREEF zai so ki in har kin zama yanda yake so."
Fuskar tausayi tayi tace, "to taya zan yi abun da yake so?"
"To kinga yanzu na dawo school a gajiye, idan na huta na ci abinci sai mu zauna in lissafa miki duk abubuwan da yake so da wanda ba ya so, za ki ga a hankali kina jawo hankalin shi gare ki lokaci ɗaya shima zai faɗa kogin soyayyarki kamar yanda kika faɗa nashi, don na ga ƴar ƙanwar tawa alamun soyayya ya yi mata diran mikiyan da babu sauƙi cikin ta, dole sai da taimako na."
Dariya tayi tana rufe ido
While shima yana taya ta tare da furta, "daga baya kenan za ki ji kunyata? Amma da kin manta da kunyar ai, uhm ƴar ƙanwata akwai drama fa."
"Yaya Allah ka bari, Ni fa ba wai sonsa nake yi haka kawai ba, don kawai Mijina ne shiyasa zan so shi, kuma ba na son wata ta ƙwace min shi haka kawai bayan ya zama nawa."
Waro ido yayi yana cewa, "really ƙanwata?"
Fari tayi da ido tace, "to ai haka Matan suke yi wlh, kuma Ni ba irin Matan nan ne da ake ƙwace musu Miji bane, komai zan iya yi sabida Mijina, Allah zaka sha mamaki na duk ranan da na ga Wata ɗiya Mace da Mijina." Sai ta cije leɓe tana ƙwafa da margaya kai
Dariya Sadiq yayi da mamakin maganganun Maryamun, yace, "Ni fa na ga alama za a yi fama da ke Maryam, to ai ki fara ajiye wannan batun bari mu fara kama Yaya SHAREEF ɗin a hannu." Sai ya haɗa hannayensa biyu wuri ɗaya yana cewa, "dama Nima gwanin soyayya ne. I will help you a lot, don haka bani hannun ki mu tafa."
Hannun ta ba shi cikin murna tana dariya, suka tafa. Sannan suka tashi suka shiga ciki suna dariya kamar ba su ba.
*NASIHA*
A suratul Noor aya ta 26, tana nuna mana cewa lallai mata nagari na Maza nagari ne.
Manzon Allah tsira da amincin Allah su tabbata a gare shi yace; "Idan wanda ku ka yarda da addininsa da dabi'unsa yazo neman aure wajenku ku aura masa. Idan baku yi hakan ba, to ɓarna mai yawa zata kasance a bayan kasa. Tirmizi ya ruwaito shi.
__________
*BOOK1*
_______________*FREE PAGE16to17*
Da Momy suka ci karo itama ta fito daga kichen riƙe da plate a hannu, ta sake zuba wa SHAREEF abincin tunda ta gama. Sai tace, "Sadiq ina ka samo min daughtern kuma?"
Yana dariya yace, "can na ganta a faranda zaune tana huta wa." Ya ƙare maganar yana kallon Maryamun; tare da kashe mata ido ɗaya
Momy ta dube ta tace, "Allah yasa ba wani abun SHAREEF yayi miki ba? Ko ya taɓa ki ne?"
Kamar zata faɗa mata, kuma sai ta girgiza kanta tana cewa, "a'a Momy."
"Yauwa to, har na ji dad'i, kai Sadiq amsa ka kai mishi dakin shi, and sai ka share wurin da Maryam ta zubar da kunu yana nan a ɗakin."
"Ok Mom." He took the plate and went upstairs
Ita kuma ta tasa Maryamu suka wuce kichen domin ƙarisa sauran aikin. Da wayon da dabara Momyn take faɗa mata, "ta riƙa saka natsuwa tana yin abu a hankali idan an saka ta, ta dena rawan jiki, musamman ma idan aikin na SHAREEF ne, kar ta je tayi abun da zai doke ta tunda ta ga yayi fushi a kan zubar mishi da kunun da tayi, bai da haƙuri ko kaɗan zai iya zane ta."
Maryamu dai tana sauraron ta bata ce komai ba. Har suka gama suka mayar da komai a saman dining table
Sadiq na zaune a Falon. Shi yasa Maryamu ta je ta zauna a wurin sa
Ita kuma Momy ta tambayi Sadiq ɗin, "ko SHAREEF ya wuce ne?"
"Eh Momy, yanzu ya fita, bai ma bar gidan ba."
Wuce wa tayi ta haye sama, ta bar su a nan.
🔆🔆🔆🔆🔆🔆🔆🔆
Suna zaune su biyun a office din Honourable Ja'e. Inda shi Alhaji Inuwa yake kurɓan juice da aka kawo mishi a farantin silver, yayinda suke tattaunawa a kan hanyoyin da zasu bi domin daƙile SHAREEF a kan aikin nan da zai yi, domin sun ɗauki alwashi sai sun ga bayan shi in har a kan aikin nan ne, muddin bazai bi abun da suke so ba, kuma already ma sun rigada sun gama tsara hanyar da zasu bi domin ganin sun kai ga ci
Inda a lokacin ne Secretary na Honourable Ja'e yayi nocking a bakin ƙofan. Bayan an ba shi izni sai ya shigo yana sanar musu da cewan, "baƙon da suke jira ya iso."
Honourable Ja'e yace, "ok. Shigo da shi mana."
Fita Secretaryn yayi, sai ga shi sun shigo tare da Shuraihu yana biye da shi a baya, sai da suka shigo sannan Secretaryn yace, "ranka ya daɗe! Ga shi nan." Daga haka ya fita ya rufo musu ƙofan
Su kuma suka yi mishi iso ya zo ya zauna a ɗaya daga cikin kujerun na huta wa, da aka zuba su set ɗaya a office ɗin. Bayan ya zauna suka gaisa sannan Honourable Ja'e ya soma yin magana da cewa
"Bismillah MD, ga drinks nan sai ka taɓa ko?"
Murmushi Shuraihu yayi tare da cewa, "No, na gode."
Su ma murmushin suka yi gaba ɗaya. Inda Honourable ya sake cewa, "to Alhaji ko zaka fara mishi bayanin abun da yasa muka nemi ya zo mu tattauna ne?"
Gyara zama Alhaji Inuwa yayi tare da duban Shuraihu yana cewa, "na san tunda ka ji wannan kiran a gare mu, dole zuciyarka zata kawo maka zargin abun da yasa muke neman ka? Duk da mun so mu bari muyi maganar ne a waya, amma kuma gani muke yi maganar baza ta yiwu a wayar ba, dole muna buƙatar keɓe wa fuska da fuska." Sai ya ɗan ja tsaiko tare da ci gaba da faɗin, "a kan maganar wannan kwangilar ne da muka kasa samun karɓuwa hannun uban gidanka, shiyasa muka ga ya dace mu nemi taimako a wurin ka tunda kai ne MD a companin, na tabbata idan muka haɗa hannu da kai zamu samu sauƙin aikin mu, shiyasa muka neme ka."
Shuraihu da ya kafa mishi ido yana sauraren shi, sai yace, "idan na fahimce ka Alhaji, in taimaka muku wajen shawo kan SHAREEF domin ya amince da taku buƙatar da ku ka zo da shi?"
Jinjina kai suka yi ba tare da sun furta komai ba
Shi kuma sai ya gyara zaman sa sosai yana haɗe hannayensa wuri ɗaya; tare da cewa, "ba na tunanin gaskiya akwai taimakon da zan iya muku tunda har ku ka kasa cin galabar shawo kansa tun a wurin meeting, wannan abun a bayyane yake ku kanku kun gama fahimtar wane ne SHAREEF, so ina ga sai dai ku haƙura ku ɗauki iya aikin da ku ka samu a wannan kwangilar, domin tunda ya dage bazai baku ba, ba na tunanin Ni zan iya shawo kansa ya amince." Sai ya girgiza kansa tare da cewan, "SHAREEF ba irin mutanen nan bane da suke da sauƙin fahimta ko bin ra'ayin wasu ba, No. Since he said the same thing, I don't think he will change his words."
"Ƙwarai mun san da haka, Yaron yana da taurin kan da zai bamu matsala matuƙa, mun so mu fara tuntuɓar Mahaifinsa a kan wannan zancen, so sai kuma muka ga mene ne bambancin dambe da faɗan? A haƙiƙanin gaskiya; ƙudirin mu babban ƙudiri ne da sai da na jikinsa zamu kai ga ci, shiyasa muka zaɓe ka don mu yi aikin nan tare. Muna fatan a ce mun bi hanyar da zamu ga mun kawar da SHAREEF'S Company daga kwangilar nan gaba ɗaya, dukkan mu burin mu ne a ce mun samu hannun jari a wannan aikin da muka daɗe muna tsimayen shi, jiran mu ba na yanzu bane, kai kanka ka san companonin mu suna ɗaya daga cikin manya-manyan companonin da suka fi kowanne a nan garin Kano har da sauran garuruwa, kuma an sanmu ana dama wa damu sosai, amma lokaci guda SHAREEF'S Company ya zo yayi mana zarra wanda har hakan yana son shafan durƙushewan ma'aikatan mu, mun jima da sanin Turawan nan zasu zo ƙasar mu Nigeria domin su bunƙasa wannan aikin nasu, sai ga shi abun da muke jira tsawon shekaru ya zo, amma muna son mu rasa komai, wanda kuma gagarumar koma-baya ne zamu samu in har bamu da kamasho a wannan katafaren Companin da zasu kafa a Abuja, baza mu taɓa bari wannan damar ta suɓuce mana ba. Ko nawa ne MD zamu baka domin mu ga mun lalata aikin SHAREEF'S Company a tafiyar nan, we want to remove the approval that the Turawa gave him, and take everything from him. Don haka muna neman taimakon ka MD."
Shiru Shuraihu yayi ya kasa magana bayan gama jin zantukan Alhaji Inuwa
Sai Honourable Ja'e yace, "ka ga Shuraihu, wannan taimakekeniya ce, kuma abun da zaka samu damu ko kwatan shi baza ka samu a SHAREEF'S Company ba, in har ka taimaka mana haƙan mu ta kai ga ci, to, muna da babban kwamasho da zamu baka, burin mu kawai mu lalata aikin nan nashi, mu jawo musu asara sannan kuma komai ya dawo gare mu, sai da taimakon ka zamu samu damar cin galaba a kansa, yanzu idan ka amince ka haɗa hannu da mu, zamu tura maka 20 millions dollars. Wannan somin taɓi ne idan burin mu ya cika komai ya dawo hannun mu."
Jin wannan kuɗaɗen sai da murmushi mai sanyi ya bayyana a kan fuskar Shuraihu. Tabbas dama ce da zai yi amfani da shi domin nuna wa SHAREEF kuskuren sa na sauya sa da yayi wurin zana wannan sumfurin aikin. Shi yasa cike da nuna farin cikin sa a fili yace, "If so, I trust you, I will help you in this matter."
Murmushi dukkan su suka yi jin sun yi nasara a wannan fannin, tunda ko kusa basu taɓa tunanin amincewar sa cikin sauƙi ba, kawai sun yi masa tayin ne domin su gwada sa'ar su, amma abun mamaki lokaci guda sun yi nasara
Yayinda Alhaji Inuwa yace, "matuƙa mun ji daɗin amincewar ka, don haka kar ka samu damuwa in har kana tare da mu, to tamkar ka gama samun farin ciki ne, zamu yi tafiyar nan da kai kuma muna so ka nemo mana hanyoyin da zamu bi domin ganin mun ga bayan wannan companin, tare da sauran mutanen da zaka jawo mana hankalin su; su shiga cikin mu su ma, musamman ma PA na SHAREEF, don shima zai yi mana amfani a tafiyar nan, domin dana jikinka ake iya cin ka yaƙi."
Shuraihu yace, "well. you don't have any problem with that, I will help you a lot. Sai dai ina ga a nawa shawaran bai kamata a ce mun saka PA na SHAREEF a wannan zancen ba."
"Saboda me ka ce haka MD?" In ji Honourable Ja'e da ya riga furta hakan
Yayinda shi kuma Alhaji Inuwa yake ci gaba da kurɓan juice ɗin sa, while yana kafa wa Shuraihun ido da sauraron abun da zai ce musu
Shi kuma yace, "Ni ina ga kamar baza mu samu haɗin kansa ba, so kar kuma mu zo mu ɓata aikin mu, and kuma duk abubuwan da PA zai taimaka a kan tafiyan nan, babu wanda bazan iya taimakawa a kai ba, because a kaso ɗari cikin sirrukan companin, 30% shi ne wanda zamu iya sani daga Ni har shi, domin SHAREEF Mutum ne mai wayon da basira fiye da zaton ku, daga shi sai ɗan uwansa su suka san komai na sirrukan companin su, ba ya fitar da komai nashi sai idan ya san cewa Ni da PA mun sani, so kun ga babu amfanin kawo shi cikin tsarin."
Honourable Ja'e yace, "duk da haka MD, Ni ina ga PA zai yi